Publicacións

Mostrando publicacións desta data: Xaneiro, 2023

Semana da Paz

Imaxe
 Tendo sempre moi presente a temática da importancia da paz, e máis esta semana, na que celebramos o día da Paz o pasado luns, 30, orientamos as propostas ao traballo de emocións e traballo en equipo. Traballamos as letras e os seus fonemas buscando elementos da aula que empecen por... Descubrimos corazóns máxicos pintando con acuarelas. Traballamos cores, series ou a orientación espacial con este xogo de tapóns reciclado. Observámonos no espello para debuxarnos mostrando diferentes emocións: alegría, tristeza, enfado, medo ou calma. Aproximámonos á lóxica matemática facendo correspondencias e sumas.

30 de xaneiro. Día da Non Violencia e a Paz

Imaxe
 Hoxe, 30 de xaneiro, celebramos o Día da Non Violencia e a Paz. En que pensamos cando falamos de paz? No noso día a día hai moitas situacións nas que podemos intervir para axudar a crear ambientes de paz: axudando aos compañeiros, respectando a todas as persoas, falándonos con cariño ou coidándonos.  No CRA de Culleredo queremos darlle unha importancia especial a este día, e por iso preparamos estes pósters coa pomba da paz e preparamos un video no que colaboramos todas as escoliñas. O alumnado do CRA cóntanos esta preciosa historia creada a partir da canción "Imagine", de John Lennon. Esperamos que vos guste moito! Clic na imaxe para acceder ao video.

Celebrando a chegada do Día Escolar da Non Violencia e a Paz

Imaxe
 Dado que o próximo 30 de xaneiro celebramos o Día Escolar da Non Violencia e a Paz, as propostas desta semana xiran arredor desta temática. Estamos a preparar un póster moi especial, cuxo resultado compartiremos o vindeiro luns, xunto a outra sorpresiña. Aproveitamos o proxecto de centro para traballar con diversos tecidos. Non deixedes de ver todas as fotos para descubrir todas as propostas desta semana. Traballamos a lectoescritura a través das emocións. Decoramos a nosa pomba da paz con todo tipo de plumaxe. Aproximámonos ao recoñecemento dos números e á representación de cantidade. Empregamos os anacos de tea cortados para decorar o fondo do noso póster da paz. Facemos pocións para descubrir que necesita ter un bo amigo. E ti, cantas culleradas ou gotiñas botarías de cada ingrediente?

Nova semana, novas propostas

Imaxe
 Seguimos presentando diversas propostas para aprender xogando, que é o que máis nos gusta facer. Se vos fixades, as propostas seguen sempre unha temática relacionada coas conmemoracións, co proxecto da escola (D´Xastres) ou con diversas motivacións que van xurdindo entre o alumnado. Cortamos anacos de tela de prendas vellas... Para que serán? Traballamos as diversas tonalidades das cores. Traballamos a lóxica matemática construindo torres. Traballamos a psicomotricidade fina e as texturas. Aproximámonos á lectoescritura descubrindo as iniciais dos animais cos que tanto xogamos.

Comezamos un novo ano!

Imaxe
 Comezamos o ano novo e con el traemos novas propostas para aprender xogando. Decoramos guirnaldas de luces con tizas de cores. Ordenamos os pompóns atendendo á súa cor. Estampamos pezas de LEGO para crear debuxos. Traballamos a psicomotricidade fina e os trasvases. Aprendemos a reutilizar papel de regalo.