A Choeira 1

 Esta semana preparamos as seguintes propostas, algunhas das cales xiran en torno á temática do Día da Muller, que se celebra o vindeiro mércores, 8 de marzo. Como de costume, traballamos algo de lóxica matemática, un pouco de lectoescritura, manualidades e arte e algo relacionado co proxecto de centro. Botádelle un ollo ás imaxes para descubrilo!  Seguimos traballando a figura de Rosalía de Castro: aprendemos máis cousas sobre esta muller tan importante ao tempo que traballamos a psicomotricidade fina dándolle forma á plastilina para decorar unha ilustración.     Na liña do proxecto de centro D´Xastres, empregamos a costura como un medio para traballar a lóxica matemática, cosendo tantos botóns como se nos indica no número. Liberamos a nosa imaxinación para decorar un obxecto tan cotiá como é un anaco de papel de cociña. Finalmente, aproximámonos á lecto escritura xogando ás palabras cruzadas. Para iso, empregamos palabras que nos fan pensar nun mundo máis xusto.

 No día de Rosalía... unha flor e unha poesía. Neste 23 de febreiro celebramos o día de Rosalía de Castro. Falamos sobre a figura da autora, coñecemos un pouquiño da súa vida e preparamos unhas postais para as familias. Nestas postais recollemos unha flor e unha pequena poesía. Seguindo a temática do noso proxecto D´Xastres, os versos escollidos este ano para compartir con vós son: Costureiriña do carballal colle unha agulla,  colle un dedal. ("Miña Santiña", Cantares Gallegos). Por outra parte, elaboramos a nosa propia flor cosendo dous anaquiños de fieltro e un botón no centro. Botádelle un ollo ás imaxes para ver que bos costureiros e costureiras temos na Choeira 1!

 Con estas fotos nos despedimos por uns días e desexámosvos que pasedes moi bo Entroido! Facede clic na primeira imaxe para ver o vídeo da festa do Entroido!

 Esta semana a Choeira 1 encheuse de Entroido por todos os recunchos. Así que aproveitamos para mostrarvos as fotos dos disfraces que trouxemos ao longo da semana e das propostas relacionadas coa elaboración dos nosos propios disfraces e de máscaras (cóntovos un segredo: as plantillas usadas están feitas coa impresora 3D do cole). Esperamos que vos gusten as fotos!               

 Xa se achega o Entroido, e na Choeira 1 aproveitamos o momento das propostas de aprendizaxe para crear os nosos propios disfraces. Vendo as fotorafías... imaxinádesvos como serán finalmente as nosas creacións?