A Choeira 1

 Este luns, 20 de marzo comezou a primavera. Dámoslle a benvida a esta estación chea de flores e cores xogando cun novo recurso para diferenciar as tonalidades das cores. En primeiro lugar, vimos o vídeo "Story of flowers" de Azuma Makoto, o cal compartimos con vós ao final desta entrada; a continuación presentamos e explicamos o novo xogo para darlle unha primeira utilidade: recoñecer as cores e as diversas tonalidades nas imaxes do vídeo. Botádelle un ollo ás fotografías e seguide moi atentos e atentas ao blog, que esta primavera vén cargadiña de xogos e aprendizaxes. Enlace ao vídeo: https://www.youtube.com/watch?v=vDpFyHmt0AE

 Con motivo do día do pai, que se celebra o 19 de marzo, e dado que hai moitísimos tipos distintos de familia (incluso aquelas onde non hai papás) decidimos facerlle un detalle especial á nosa familia. Cada peque escolleu a quen quería poñer no marco da súa familia e, seguindo a liña temática do noso proxecto D´Xastres, creamos estas obras de arte utilizando botóns e trozos de tela de fieltro. Recordade que a familia é importante todo o ano, aínda que haxa un día especial para recordarnos aos membros da mesma.  

 Esta semana preparamos unha variedade de propostas que podedes ver nas seguintes imaxes: Traballamos a lectoescritura cos nosos nomes e os dos compañeiros e con vocabulario do noso proxecto de centro D´Xastres. Creamos flores con abalorios e tapóns reciclados.   Coñecimos o conto "Viaxes" no periodo de adaptación e seguimos traballando sobre el porque nos gustou un montón! Para desenvolver a competencia lóxica matemática é importante traballar as series, a orientación espacial ou as correspondencias.   Trazamos a silueta dos nosos corpos utilizando pezas de madeira. 

 Hoxe, 8 de marzo, que se celebra o Día da Muller, queremos compartir con vós esta actividade que levamos a cabo a nivel de centro en todas as escoliñas do CRA de Culleredo.  Partimos da lectura do conto "A coleccionista de palabras". En primeiro lugar, presentamos o conto dun xeito atractivo, para chamar a atención do alumnado e que se comece a preguntar que faremos, sobe que tratará o conto, etc. Nesta historia, Luna, a protagonista, colecciona palabras, moitas palabras diversas. Un día descubriu que as persoas estaban moi ocupadas como para dicir palabras bonitas, así que decidiu poñer a súa colección nunha maleta e facer unha viaxe para repartir palabras bonitas como solidariedade, amor ou diversión entre as persoas que estaban soas, aburridas ou moi ocupadas para disfrutar desas palabras. Unha vez presentado o conto, propoñemos facer a nosa propia colección de palabras bonitas e compartilas, invitando tamén ás familias a escribir palabras bonitas para ter unha colección